"ફૂલવાડી"

શબ્દગંગાની હૃદય-ઉર્મિ એટલે ફૂલવાડી

યુદ્ધ રહેવાનું…..!

 

જ્યાં લગી ધરતી પર માનવ છે,
યુદ્ધ રહેવાનું..

જ્યાં લગી નજરમાં નફરત છે,
યુદ્ધ રહેવાનું..

જ્યાં લગી ધર્મના અલગ રસ્તા છે,
યુદ્ધ રહેવાનું..

જ્યાં લગી સીમાના બંધંન  છે,,
યુદ્ધ રહેવાનું.

જ્યાં લગી જગતમાં” જીવ” છે
યુદ્ધ રહેવાનું.

માનવ વસવાટથી ચેતી જજે,
અરે ! ઓ ચંદ્ર શિતળ..
એ આવશે તો……
યુદ્ધ રહેવાનું.

April 21, 2011 - Posted by | વાચકને ગમતું, સ્વરચિત રચના

1 Comment »

  1. જ્યાં લગી ધર્મના અલગ રસ્તા છે,
    યુદ્ધ રહેવાનું..મેડિએવલ એટલે મધ્યકાલીન અને ક્રુસેડ એટલે ક્રિશ્વિયન ધર્મયુદ્ધ. ક્રિશ્વિયન ધર્મ ચિહ્ન ક્રોસને જૂની ફ્રેંચ ભાષામાં ‘ક્રોઇસ’ અને સ્પેનિશમાં ‘ક્રુસેડા’ કહે છે. ક્રુસેડ એટલે ક્રોસથી નિશાન કરવું. ઇસ. ૧૦૯૫થી ૧૨૯૧ના ગાળામાં યુરોપનાં, ખાસ કરીને ફ્રાંસનાં રોમન કેથોલિક ચર્ચ દ્વારા અધિકૃત અથવા તો તેમના દ્વારા પ્રેરિત યુદ્ધનો સિલસિલો.

    લિબિયા પરના હવાઇ હુમલાને ક્રિશ્વિયનોનું મુસ્લિમો સામેનું ધર્મયુદ્ધ કહેવાના પરિણામ ખરાબ આવી શકે. ક્રિશ્વિયન જેને ક્રુસેડ કહે છે, એને મુસ્લિમો જિહાદ કહે છે.

    જિહાદ એટલે કઠિન પરિશ્રમ. અલ્લાહ સુધી પહોંચવા માટે દરેક મુસ્લિમનું કર્તવ્ય. લિબિયાના નેતા કર્નલ ગદ્દાફીએ પોતાની છાવણી બહાર લોકોને સંબોધતાં કહ્યું કે આ હુમલો ઇસ્લામ સામે નવું ક્રુસેડ યુદ્ધ છે અને દરેક ઇસ્લામિક દેશે એક થઇને એનો પ્રતિકાર કરવો જોઇએ.

    પશ્ચિમી દેશોના લિબિયા ઉપરના હવાઇ હુમલાની નિંદા કરતા રશિયાના પ્રાઇમ મિનિસ્ટર પુતિન કહે છે કે યુનાઇટેડ નેશન્સ દ્વારા તમામ ‘જરૂરી’ પગલાંને અધિકૃત કર્યા બાદનો આ હુમલો ‘મેડિએવલ ક્રુસેડ’ જેવો છે અને એના કારણે ઘણા નિર્દોષ નાગરિકોની જાનહાનિ થશે. એની સામે રશિયાના પ્રેસિડેન્ટ મેડવેડેવ તરત જ કહે છે કે પુતિનની આ હુમલાને ક્રુસેડ સાથે સરખાવવાની ચેષ્ટા બે સંસ્કૃતિઓ વચ્ચે વૈમનસ્ય વધારશે. શું છે ‘મેડિએવલ ક્રુસેડ’?

    મેડિએવલ એટલે મધ્યકાલીન અને ક્રુસેડ એટલે ક્રિશ્વિયન ધર્મયુદ્ધ. ક્રિશ્વિયન ધર્મ ચિહ્ન ક્રોસને જૂની ફ્રેંચ ભાષામાં ‘ક્રોઇસ’ અને સ્પેનિશમાં ‘ક્રુસેડા’ કહે છે. ક્રુસેડ એટલે ક્રોસથી નિશાન કરવું. ઇસ. ૧૦૯૫થી ૧૨૯૧ના ગાળામાં યુરોપનાં, ખાસ કરીને ફ્રાંસનાં રોમન કેથોલિક ચર્ચ દ્વારા અધિકૃત અથવા તો તેમના દ્વારા પ્રેરિત યુદ્ધનો સિલસિલો. ક્રુસેડનો હેતુ ક્રિશ્વિયન, મુસ્લિમ, યહુદી અને બહાઇ ધર્મો માટે પવિત્ર ગણાતી ‘હોલી લેન્ડ’ (આજના ઇઝરાયલ, પેલેસ્ટાઇન, જોર્ડન અને આંશિક લેબેનોન) ઉપર મુસ્લિમો સામે યુદ્ધ કરી તેમને મારી હઠાવી, ક્રિશ્વિયન ધર્મનો કબજો પ્રસ્થાપિત કરવાનો હતો. લિબિયા પરના હવાઇ હુમલાને ક્રિશ્વિયનોનું મુસ્લિમો સામેનું ધર્મયુદ્ધ કહેવાના પરિણામ ખરાબ આવી શકે. ક્રિશ્વિયન જેને ક્રુસેડ કહે છે, એને મુસ્લિમો જિહાદ કહે છે.

    જિહાદ એટલે કઠિન પરિશ્રમ. અલ્લાહ સુધી પહોંચવા માટે દરેક મુસ્લિમનું કર્તવ્ય. લિબિયાના નેતા કર્નલ ગદ્દાફીએ પોતાની છાવણી બહાર લોકોને સંબોધતાં કહ્યું કે આ હુમલો ઇસ્લામ સામે નવું ક્રુસેડ યુદ્ધ છે અને દરેક ઇસ્લામિક દેશે એક થઇને એનો પ્રતિકાર કરવો જોઇએ. સામાજિક બદીઓ સામે લાંબાગાળાના જોશીલા સમર્પિત પ્રયત્નો કે આંદોલનને પણ ક્રુસેડ કહે છે. તામિલનાડુમાં ગરીબ લોકો માટે કામ કરતી સંસ્થાનું નામ ક્રુસેડ (સેન્ટર ફોર રૂરલ સિસ્ટમ એન્ડ ડેવલપમેન્ટ) છે. શેતાનને ગોળી મારીને મારી નાખવાની શૂટ-એન્ડ-કિલ ઓનલાઇન કોમ્પ્યૂટર ગેમને ‘ક્રુસેડ’ કહે છે. કેનેડા સ્થિત રેલીક એન્ટરટેઇનમેન્ટ દ્વારા ૨૦૦૬માં રિલીઝ થયેલી ૩ડી રિયલ ટાઇમ સ્ટ્રેટેજી કોમ્પ્યૂટર ગેમને ‘ડાર્ક ક્રુસેડ’ કહે છે.

    પ્રસિદ્ધ બ્રિટિશ/અમેરિકન પત્રકાર, ટેલિવિઝન પર્સનાલિટી અને બ્રોડકાસ્ટર એલિસ્ટર કૂક (૧૯૦૮-૨૦૦૪) પોતાના પુસ્તક ‘ટોક એબાઉટ અમેરિકા’ના ૩૧મા ચેપ્ટરમાં અમેરિકન પ્રેસિડન્ટના ચાર વર્ષનાં કાર્યકાળના શરૂઆતના સમયને ક્રુસેડ સાથે સરખાવે છે. એ લખે છે કે દરેક પ્રેસિડેન્ટ સત્તામાં આવે ત્યારે એના મનમાં શું-નું-શું કરી નાખું તેવી એક તીવ્ર લાગણી ખળભળતી હોય છે. એને મન દરેક કામ એક ક્રુસેડ છે, એક આંદોલન છે.

    પણ શરૂઆતનાં બે વર્ષોમાં એને ખબર પડે છે કે અમેરિકન તંત્ર જટિલ છે, જડ છે અને અમેરિકન પ્રેસિડન્સીમાં કંઇ ખાસ ખાટી લેવા જેવું નથી. ત્રીજા વર્ષે તો લોકો એમ માનવા માંડે છે કે આ પ્રેસિડન્ટ બેવકૂફ છે, પાપીષ્ઠ છે અને પછી લોકો નવા મસીહા, નવા તારણહાર, નવા પ્રેસિડન્ટની અફવામાં રાચવા માંડે છે. અને પછી નવા પ્રેસિડન્ટ, નવું ક્રુસેડ…!

    શબદ આરતી: તા. ૧૬મી સપ્ટેમ્બર, ૨૦૦૧, વ્હાઇટ હાઉસ લોન પરથી લોકોને સંબોધન કરતા જ્યોર્જ બુશે કહ્યું હતું કે ૧૧/૯ના સ્યુસાઇડ બોમ્બરોએ કરેલા ટ્વિન ટાવર એટેકમાં નિર્દોષ લોકો માર્યા ગયા. આ આતંકવાદીઓ નવા પ્રકારના શેતાનો છે. અમેરિકન લોકો ધીરજ રાખો, આતંકવાદ સામેનું યુદ્ધ, આ ‘ક્રુસેડ’ ચાલુ રહેશે. આપણે આ યુદ્ધ નિર્ણયાત્મક રીતે જીતીશું, જેથી આપણાં બાળકો અને એનાં બાળકો ૨૧મી સદીમાં શાંતિથી જીવી શકે.

    Comment by pragnaju | April 21, 2011


Thank you for visiting" ફૂલવાડી" Thank you for your comments.

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s