"ફૂલવાડી"

શબ્દગંગાની હૃદય-ઉર્મિ એટલે ફૂલવાડી

મરણ જેવું જીવન જેવું..

 

તમારી  યાદમાં   મુજને   જીવન  ભાસ્યું     જીવન  જેવું,
વૃથા  ઉત્પાત  પરવારી   અમન  પામ્યો      અમન જેવું.

મળી નજરોથી નજરો ત્યાં જ દુનિયા દિલની પલટી ગઈ.
ભરેલું   છે    તમારી   આંખમાં     શું      સંવનન   જેવું.

યદિ    મારી નજર  સામે   તમે  છો     તો    બધુંયે  છે,
તમારી   વિણ   મને   આ  વિશ્વ લાગે છે   વિજન   જેવું.

ફકત એક   દિલ   હતું   તે પણ તમારું થઈ ગયું ચાહક,
રહ્યું   ના    કોઈપણ    મારું હવે  વિશ્વે       સ્વજન જેવું.

વિતાવી  આગમન-આશા   મહીં હવે   રાતોની  રાતો મેં,
છતાં  દર્શન તો દર્શન,   પણ   ન દીઠું   કૈ  સ્વપ્ન જેવું.

તમોને  દિલ તો  શું,અસ્તિત્વ   પણ   અર્પણ કરી  દીધું,
હવે  મુજ  પાસ ક્યાં છે  કંઈ મરણ   જેવું,  જીવન  જેવું.

તમારે   દ્વાર આવીને      અહર્નિશ   એ જ    યાચું  છું,
પ્રણય -ગુણગાન    ગાવાને    કવન આપો  કવન જેવું.

છુપાયેલી મજા છે ઓ  ”ખલીલ’! એની    વ્યથા માંહે,
નથી  હોતું પ્રણયમાં  કંઈ   દરદ, દુખ      કે દમન જેવું.

-“ખલીલ”

Advertisements

એપ્રિલ 15, 2010 - Posted by | ગમતી ગઝલ

3 ટિપ્પણીઓ »

  1. સરસ ગઝલ.

    ટિપ્પણી by પંચમ શુક્લ | એપ્રિલ 15, 2010

  2. તમોને દિલ તો શું,અસ્તિત્વ પણ અર્પણ કરી દીધું,
    હવે મુજ પાસ ક્યાં છે કંઈ મરણ જેવું, જીવન જેવું.
    સરસ
    યાદ…………………………………………..
    તમારી યાદમાં ફૂલોથી અદકું હાસ્ય વેર્યું છે,
    નવી રીતે હસી લીધું અમે આંસુ વહાવીને.-
    તમારી યાદમાં મારી દશા એવી બની ગઈ છે,
    મળે નાકે ટપાલી તો તમારી યાદ આવે છે.

    ટિપ્પણી by pragnaju | એપ્રિલ 15, 2010

  3. છુપાયેલી મજા છે ઓ ”ખલીલ’! એની વ્યથા માંહે,
    નથી હોતું પ્રણયમાં કંઈ દરદ, દુખ કે દમન જેવું.

    -”ખલીલ”
    vaah! adbhut

    ટિપ્પણી by vijayshah | એપ્રિલ 16, 2010


Thank you for visiting" ફૂલવાડી" Thank you for your comments.

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s