"ફૂલવાડી"

શબ્દગંગાની હૃદય-ઉર્મિ એટલે ફૂલવાડી

પ્રાર્થના ચિઠ્ઠી..એક શિક્ષકની વેદના..એક બાળકની કલમે…

પ્રતિ,
શ્રી
ભગવાનભાઈ ઈશ્વ્રરભાઈ પરમાત્મા(શંખચક્રવાળા)
સ્વર્ગ
લોક,નર્કની સામે,
વાદળાની
વચ્ચે
મુ.આકાશ.

પ્રિય મિત્ર ભગવાન,
જય ભારત સાથ જણાવાનું કે હું તારI ભવ્યમંદિરથી થોડે દૂર આવેલી એક સરકારી શાળાના માં ધોરણમાં ભણુ છું.
મારા પિતાજી દાણાપીઠમાં મજૂરી કરે છે અને મારી માં રોજ બીજાનાં ઘરકામ કરવા જાય છે.’હું શું કામ ભણું છું
એની મારા માંબાપને ખબર નથી.કદાચ શિષ્યવૃતિના પૈસા અને મફત જમવાનું નિશાળમાંથી મળે છે એટલે
મારા માંબાપ મને રોજ નિશાળે ધકેલે છે.ભગવાન,બેચાર સવાલો પૂછવા માટે મેં તને પત્ર લખ્યો છે.
મારા સાહેબે કિધુતુ કે તુ સાચી વાત જરૂર સાંભળે છે…!

પ્રશ્ન . હું રોજ સાંજે તારા મંદિરે આવું છું અને નિયમિત સવારે નિશાળે જાવ છું પણ હે ભગવાન તારી ઉપર
આરસ પહાણનું મંદિરને .સી. છે અને મારી નિશાળમાં ઉપર છાપરુ કેમ નથીદર ચોમાસે પાણી ટપકે છે,
મને સમજાતુ નથી…!

પ્રશ્ન . તને રોજ ૩૨ ભાતનાં પકવાન પીરસાય છે ને તું તો ખાતો નથીઅને હું દરરોજ બપોરે
મધ્યાહ્મભોજનના એક મુઠ્ઠી ભાતથી ભૂખ્યો ઘરે જાઉં છું…!આવું કેમ…?

પ્રશ્ન . મારી નાની બેનનાં ફાટેલા ફ્રોક ઉપર કોઈ થીગડુ મારતું નથી અને તારા પચરંગી નવા નવાં વાઘા…!
સાચું કહું ભગવાન હું રોજ તને નહી, તારા કપડા જોવા આવું છું…!

પ્રશ્ન . તારા પ્રસંગે લાખો માણસો મંદિરે સમાતા નથી અને ૨૬મી જાન્યુઆરી અને ૧૫મી ઓગસ્ટે જ્યારે હું બે મહિનાથી મહેનત કરેલું દેશભક્તિગીત રજું કરુ છું ત્યારે,સામે હોય છે માત્ર મારા શિક્ષકોને બાળકોહે ઈશ્વર તારા મંદિરે જે સમાતા નથી બધાયમારા મંદિરેકેમ ડોકાતા નથી…!

પ્રશ્ન . તને ખોટુ લાગે તો ભલે લાગે પણ મારા ગામમાં એક ફાઇવસ્ટાર હોટલ જેવું મંદિર છે ને એક મંદિર જેવી પ્રાથમિક શાળા છે.પ્રભુ ! મેં સાભળ્યું  છે કે તું તો અમારી બનાવેલી મૂર્તિ છો, તો આવી જલજલાટ છો અને અમે તો તારી બનાવેલી મૂર્તિ છીએ, તો આમારા ચહેરા ઉપર નૂર કેમ નથી…?
 
શક્ય હોય તો પાંચેયના જવાબ આપજેમને વાર્ષિક પરીક્ષામાં કામ લાગે ! ભગવાન મારે ખૂબ આગળ ભણવું છે ડોક્ટર થવું છે પણ મારા મા-બાપ પાસે ફિ ના કે ટ્યૂશનના પૈસા નથી. તું જો તારી એક દિવસની તારી દાનપેટી મને મોકલેને તો હું આખી જિંદગી ભણી શકું. વિચારીને કેજે…! હું જાણું છું તારે ઘણાયને પૂછવું પડે એમ છે.
પરંતુ
૭માં ધોરણની વાર્ષિક પરીક્ષા જો તું મારામાં ધ્યાન નહી આપે તો મારા બાપુ મને સામે ચા વાળાની હોટલે રોજના રૂ.પાંચ ના ભવ્ય પગારથી નોકરીએ રાખી દેશે!ને પછી આખી જિંદગી હું તારા શ્રીમંત ભક્તોને ચા પાઈશ પણ તારી હારે કીટ્ટા કરી નાખીશ…!
 
જલ્દી કરજે ભગવાન. સમય બહું ઓછો છે તારી પાસે અને મારી પાસે પણ…!

લી.
એક
સરકારી શાળાનો ગરીબ વિદ્યાર્થી
અથવા
ભારતના
એક ભાવિ મજૂરના વંદે માતરમ્‌.

source: courtesy e-mail from Hemant Gajarawala(unknown author)

Advertisements

ફેબ્રુવારી 19, 2010 - Posted by | વાચકને ગમતું

8 ટિપ્પણીઓ »

  1. ભાઈશ્રી વિશ્વદીપ
    બાળક દ્વારા ભગવાનને ઉદેશી લખાયેલી પ્રાર્થનાચીઠ્ઠી ખૂબ જ હ્રદયસ્પર્શી છે. મંદિરમાં પથ્થરમાંથી બનાવેલી ભગવાનની મૂર્તિમાં પ્રાણ પ્રતિષ્ઠા સાધુ-સંતો-સ્વામીઓ-ગુરૂઓ દ્વારા કરાવવાની વિધિ તો માત્ર દેખાડો હોય છે ! વાસ્તવમાં આ તમામ સાધુ-સંતો-સ્વામીઓ-મહંતો-ગુરૂઓ સ્વયં જ એટલા તો પાષાણ હ્રદય હોય છે કે ભગવાનને પણ તેવા જ ધારી મૂર્તિઓ પથ્થરની જ બનાવડાવે છે જે તેઓના દિલનુ આબેહુબ પ્રતિબિંબ બની રહે છે ! અને તેથી જો આ પ્રાર્થનાચીઠ્ઠી ભૂલેચુકે પણ મંદિરમાં બીરાજ માન કરેલા ભગવાન સમક્ષ મૂકવામાં આવશે તો કોઈ પરિણામ આવવાની સંભાવના જણાતી નથી. કારણ આખરે તો આ ચીઠ્ઠી પાષાણ હ્રદયના કોઈક સાધુ-સંત્-સ્વામીના હાથમાં જ જશે અને તે કોઈ સંજોગોમાં ભગવાન સુધી પહોંહવા નહિ દે ! રખે ભગવાનના વાંચવામાં આવી જાય અને પેલા બાળકની આજીજી વિષે કંઈક વરદાન આપી બેસે તો આ સાધુ-સંતો-સ્વામીઓ-ગુરૂઓ અને મહંતોના વૈભવી જીવનાનો અંત આવી જશે તેવા સતત ભયમાં આ તમામ લોકો જીવી રહ્યા હોય છે. માટે આ ચીઠ્ઠીમાં ઉભરતો આર્તનાદ મનોમન ભગવાનનું સ્મરણ કરી તેમના સુધી પહોંચાડવું રહ્યું ! અસ્તુ ! ખૂબ જ વેધક અને વાસ્તવમાં જે ચાલી રહ્યું છે તેને સરસ રીતે સુંદર શબ્દોમાં બાળકની વેદના.વ્યથા અને પીડાને ઉજાગર કરતી ચીઠ્ઠી ! ધન્યવાદ ! આવજો !
    સ-સ્નેહ
    અરવિંદ

    ટિપ્પણી by arvind | ફેબ્રુવારી 20, 2010

  2. ભલા માણહ આ રચના જ્યારે મે મારા બ્લોગમાં કંડાળી હતી ત્યારે મારી આંખોમાં આંશુ આવી ગ્યા’તા..મારી આ રચના બધાયના બ્લોગ હુધી પોચે.એવી મારી ઈચ્છા છે.ખાસ તો મુકેશ અંબાણી હુધી…આભાર જય દ્વારકાધીશ હારે જય જય પાવનભુમિ ગુજરાત.

    http://gujarat6bhai.wordpress.com/

    ટિપ્પણી by ભુરીયો દ્વારકાવાળો 'તોફાની' | ફેબ્રુવારી 20, 2010

  3. nice bahuj saras kavita lakhi che sari vedna che tamari kavita ma and balak bhave puchayela quest mast che

    ટિપ્પણી by nilesh shah | ફેબ્રુવારી 20, 2010

  4. આ છે ભારતમાં શિક્ષણની વાસ્તવિકતા. જ્યાં સુધી શિક્ષણને અગ્રિમતા નહીં અપાય; ત્યાં સુધી ભારતની માનસિકતામાં/ રાજકારણમાં પરિવર્તન આવે તેમ લાગતું નથી.

    ટિપ્પણી by સુરેશ જાની | ફેબ્રુવારી 20, 2010

  5. ભુરીયાભાઈ,

    http://gujarat6bhai.wordpress.com/2010/01/27/%E0%AA%AA%E0%AB%8D%E0%AA%B0%E0%AA%BE%E0%AA%B0%E0%AB%8D%E0%AA%A5%E0%AA%A8%E0%AA%BE%E0%AA%9A%E0%AA%BF%E0%AA%A0%E0%AB%8D%E0%AA%A0%E0%AB%80/

    આપની પ્રાર્થનાચીઠ્ઠી ક્યાં ને ક્યાં ફરે છે. ઈન્ટરનેટ ઉપર ગુગલમાં પ્રાર્થનાચિઠ્ઠી લખી સર્ચ કરતાં ખબર પડી કે ઘણાં એ આ ચીઠ્ઠી પોતાના નામે ચડાવી નાખી છે. વાંચીને એટલો આનંદ જરુર થાય છે કે હવે ચીઠ્ઠી ઉપરવાળા પાસે જરુર પહોંચશે.

    ભુરીયા ભાઈને જેશીકૃષ્ણ.

    લી.

    http://vkvora2001.blogspot.com/

    ટિપ્પણી by vkvora, Atheist, Rationalist | ફેબ્રુવારી 21, 2010

  6. મુ.શ્રી.વિશ્વદીપ સાહેબ

    વર્તમાન સમયના શિક્ષણમાં ચાલી રહેલ ક્ષતિઓને આપે

    ખુબજ સરસ રીતે આપની આ રચનામાં કંડારેલ છે.

    સાચેજ આપનું હ્દય શિક્ષણની આ દશા અને દિશા જોઈ

    દ્રવી ઉઠેલ છે.આપની વેદના યથા યોગ્ય છે.

    આપના હ્દયમાં બાળકનું સ્થાન કેન્દ્ર સ્થાને છે.

    ” બાળ દેવો ભવો ” ની ભાવના દરેકમાં કયારે આવશે?

    શિક્ષણ એક સાચેજ તપસ્યા છે.સાધના છે.

    હું આપની આ વેદના એક શિક્ષક હોવાને નાતે સમજું છું,

    હું આપને ખાતરી આપું છું કે આપની આ વેદના મારા સાથી શિક્ષકમિત્રો સુધી

    પોંહચાડીશ.

    ડો.કિશોરભાઈ એમ.પટેલ
    આઈ.એન.ટેકરાવાળા ઉ.મા.શાળા,રાંદેરરોડ,સુરત-૯

    I invite U Sir plz. Visit My Blog:
    http://shikshansarovar.wordpress.com

    ટિપ્પણી by ડો. કિશોરભાઈ એમ. પટેલ | ફેબ્રુવારી 21, 2010

  7. bhai tamari aa chiithi maara blog ma pan me chadavi che…aavu j collection hu sodhi rahyo chu je kids nu kai heart touching hoy.

    ટિપ્પણી by Hiren | જાન્યુઆરી 14, 2011

  8. hi
    chek my blog : http://www.beeih.blogspot.com
    visit my blog to promot this article

    thnks
    hiren

    ટિપ્પણી by hiren | જાન્યુઆરી 14, 2011


Thank you for visiting" ફૂલવાડી" Thank you for your comments.

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s