"ફૂલવાડી"

શબ્દગંગાની હૃદય-ઉર્મિ એટલે ફૂલવાડી

અક્ષરદેહના સ્વામી રાજેન્દ્ર શાહની અંતીમ-વિદાય

 

                                            ગુજરાતી સાહિત્ય જગતના મૂર્ધન્ય કવિ,ગીતકાર અને જ્ઞાનપીઠ એવોર્ડ વિજેતા સર્જક શ્રી રાજેન્દ્ર શાહ, જાન્યુઆરી,૩ ૨૦૧૦ ને શનિવારે રાત્રે ૮વાગે  ગોરેગામ(પૂર્વ)માં  દિડોશી પાસે આવેલા તેમના પુત્ર કૈવલ્યના નિવાસ્થાને ૯૭ વર્ષની લાંબી મંઝીલ પુરી કરી શાંતીપૂર્વક મોક્ષધામ સિધાવ્યા છે. તેમના  અંતિમ અક્ષરદેહના અંતિમ સંસ્કારમાં  આપણા જાણીતા ઘણાં સાહ્ત્યકારોની ઉપસ્થિતી હતી.

                                             ૧૯૧૩માં ગુજરાતના ખેડા જિલ્લામાં કંપડવંજ જન્મેલા રાજેન્દ્રભાઈ યુવાન વયથી જ સુંદર ઉર્મિભર્યા કાવ્યો લખવાની શરૂઆત કરી હતી.તેમના કાવ્યોમાં ઊંડા પ્રકૃતપ્રેમ, માનવસ્વભાવના માર્મિ નિરીક્ષણ , લયમાધુર્ય અને માદમાધુર્ય છલકાંતા હોવાથી ગાંધીયુગના તત્કાલીન કવિઓમાં તેમણે આગવી ઓળખ ઊભી કરી હતી.

                                             ૩૯ વર્ષની વય ૧૯૫૧માં તેમનો પ્રથમ કાવ્ય સંગ્રહ ‘ધ્વનિ’ પ્રગટ થતાંવેંત તેમની રચનાઓ ‘કેવડીયાનો કાંટો એમને વડવગડામાં વાગ્યો’ અને  ‘બોલીએ ના કંઈ’જેવા’  ગીતો લોકજીભે ચડી ગયાં હતાં અને વર્ષો સુધી પાઠ્યપુસ્તકોમાં   સ્થાન પામ્યા હતાં.  ૨૦૦૪માં ગુજરાતી કાવ્યધારામાં અનેરા યોગદાન બદલ ‘જ્ઞાનપીઠ’ એવોર્ડથી સન્માનિત કરવામાં આવ્યા હતાં.

                                             છેલ્લા બે એક દિવસ પહેલા તેમને થોડીક અવસ્થા જણાતા હોસ્પિટલમાં સારવાર લેવાનું તેમના પુત્ર કૈવલ્યે કહ્યું ત્યારે તેમણે કહ્યું:”મારું જીવન કાર્ય હવે પુરુ થઈ રહ્યું છે’ ત્યારે ડૉકટરે કહ્યું ” તમને સારાવાર આપીને આવતી કાલે તાજા માજા કરી દઈશું.” ત્યારે તેમણે મક્કમતાથી કહ્યું હતું: “પણ આવતી કાલે હું હોઈશતોને?” આ તો ખોળિયુ બદલવાનો ઉત્સવ છે. મારા ગયાં પછી કોઈ શોક મનાવશો નહી. હું બીલકુલ સ્વસ્થતાથી જઈ રહ્યો છું'” મૃત્યુને અવસર ગણનારા કવિને મારા લાખ-લાખ વદંન..મારી હાર્દિક શ્રદ્ધાંજલી..

Advertisements

જાન્યુઆરી 4, 2010 - Posted by | સ્વરચિત રચના

8 ટિપ્પણીઓ »

  1. IT IS RAJENDRABHAI’S BEGINING He SAID…..”:”મારું જીવન કાર્ય હવે પુરુ થઈ રહ્યું છે….. તેમણે મક્કમતાથી કહ્યું હતું: “પણ આવતી કાલે હું હોઈશતોને?” આ તો ખોળિયુ બદલવાનો ઉત્સવ છે.”
    મૃત્યુને અવસર ગણનારા કવિને લાખ-લાખ વદંન.હાર્દિક શ્રદ્ધાંજલી.

    Rajendra Trivedi

    http://www.bpaindia.org

    ટિપ્પણી by dhavalrajgeera | જાન્યુઆરી 4, 2010

  2. કવિવરને હૃદયપૂર્વક શ્રધ્ધાંજલિ.

    ટિપ્પણી by Pancham Shukla | જાન્યુઆરી 4, 2010

  3. પ્રભુને કવિતા માણવાની જરૂર ઉભી થઈ હશે. તો જ રાજેન્દ્રભાઈને એમની પાસે બોલાવી લીધા.
    સદ્‍ગતને પ્રભુ શાંતિ આપે. અને પ્રભુને સદ્‍ગત સારી સારી કવિતાઓ સંભળાવે એ જ પ્રાર્થના…

    ટિપ્પણી by નટવર મહેતા | જાન્યુઆરી 5, 2010

  4. જટાયુની પાંખ કપાઈ તેમ ગુજરાતી કવિતાની અનેક્માંની એક મહ્ત્વની પાંખ કપાઈ,વેદના મૄત્યુમાં નથી-ગેરહાજરીમાં છે.અમેરીકા આવ્યો ત્યારથી
    ગુજરાતી કવિઓની ગેરહાજરી અનુભવતો થઈ ગયો હતો-આ કાંટો આજે જરા વધારે જોરથી વાગી ગયો.
    ઈશ્વર કવિ અને કવિતા બન્નેવને શાંતિ આપે.અસ્તુ.

    ટિપ્પણી by himanshupatel555 | જાન્યુઆરી 5, 2010

  5. એક મહાન કવિ અને સાહિત્યકારે વિદાય લીધી તમને અંતરથી અંજલિ.સાધુ સન્તોથી પણ ઉચ્ચ કક્ષા પર અમુક કવિઓ આધ્યાત્મિક વિકાસ સાધી પહોચતા હોય છે.. જ્યારે આપને કહેવાતા સાધુઓની લંપટલીલા અને ગાદીપતિ બની ધર્મ ને સ્ન્સ્કૃતિને નામે ઉછીનો યશ લૈને મહાન હોવાનો શક્ય તેટ્લો દમ્ભ કરતા હોય છે અને તેમના અનુયાયી પણ આ પાપના ભાગીદાર છેજ. પ્રયાણવેળા ય જે શબ્દો નીકળ્યા તે કહી દે છે કે આ એક મહાન આત્મા ધરતી પર હતો અને શાનથી નિર્મોહી થઈને મૃત્યુને મહોત્સવ મનાવી પ્રયાણ કરી ગયો આવા કવિરાજનો ઉત્સવ કરવઓ જ રહ્યો.

    ટિપ્પણી by Dilip Gajjar | જાન્યુઆરી 5, 2010

  6. ગુજરાતી કવિતાને, આજ જે ઊંચાઈ પર છે ત્યાં સુધી લઈ જવામાં જેમનું અમુલ્ય યોગદાન રહ્યું છે એવા કવિશ્રી રાજેન્દ્ર શાહના દેહાવસાનથી કદી ન પૂરી શકાય એવી ખોટ પડી છે.
    ઈશ્વર સદ્ગતને મોક્ષપદ પ્રદાન કરે એવી પ્રાર્થના કરવા સિવાય અને કાળની આ અકળલીલાના મૂકસાક્ષી બની રહ્યાં સિવાય લાચાર માનવી કરી પણ શું શકે?

    ટિપ્પણી by ડૉ.મહેશ રાવલ | જાન્યુઆરી 7, 2010

  7. It is a big loss to GUJARATI literature.
    He is a one of a kind

    ટિપ્પણી by pravina | જાન્યુઆરી 7, 2010

  8. કવિશ્રીને હાર્દિક શ્રધાંજલી..
    સપના

    ટિપ્પણી by sapana | જાન્યુઆરી 7, 2010


Thank you for visiting" ફૂલવાડી" Thank you for your comments.

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s