"ફૂલવાડી"

શબ્દગંગાની હૃદય-ઉર્મિ એટલે ફૂલવાડી

મુકતકો..

arkansas20evening20sun_web

ખબર નથી કે, કોણ જાણે શું ગઝલમાં છે?
ભ્રમરને પુછજો કે, સત્વ જેવું શું કમલમાં છે?
ગઝલ તાપસ મહીં ‘દિલદાર’ પણ તાપસ ગઝલને છે,
ગઝલનો જીવ છે ને જીવ એનો પણ ગઝલમાં છે.

પ્રણયની ભલે આવી પડે પણ,
હું તો પી જવાનો ઉકાળી ઉકાળી
મહાકાળ ઝંઝા ને આંધી-તૂફાનો,
થજો મારી સામે વિચારી વિચારી
અચળ મેરૂ જેવું છે મનડું મારું.
નહી એ ચળે કોઇથી કોઇ રીતે
પ્રકાશી રહ્યો છે દિપક મુજ હૃદયમાં,
મહાતેજના કર પ્રસારી પ્રસારી.

પરાયા પર સદા વિશ્વાસ ધારે શું થવાનું છે?
પછી પસ્તાઇ દિલમાં આંસુ સારે શું થવાનું છે?
નથી બળ આપના જેવું , નથી જળ મેઘના જેવું,
ખરી છે વાત એ પરના સહારે શું થવાનું છે?

મનહર ‘દિલદાર’

Advertisements

નવેમ્બર 17, 2008 - Posted by | ગમતી ગઝલ

2 ટિપ્પણીઓ »

  1. પરાયા પર સદા વિશ્વાસ ધારે શું થવાનું છે?
    પછી પસ્તાઇ દિલમાં આંસુ સારે શું થવાનું છે?
    નથી બળ આપના જેવું , નથી જળ મેઘના જેવું,
    ખરી છે વાત એ પરના સહારે શું થવાનું છે?
    સરસ મુક્તક
    યાદ આવી કવિતા
    થવાનું ન થવાનું કહે નજૂમી કોણ એવો છે
    ન જાણ્યું જાનકીનાથે સવારે શું થવાનુ છે

    હતો લંકેશ બહુબળિયો થયો બેહાલ ના જાણ્યું
    જગત સૌ દાખલા આપે સવારે શું થવાનું છે

    જુઓ પાંડવ અને કૌરવ બહુબળિયા ગણાયા છે
    ન જાણ્યું ભીષ્મ જેવાએ સવારે શું થવાનું છે

    થઈ રાજા રમ્યા જૂગટું ગુમાવ્યું પત્ની સૌ સાથે
    ન જાણ્યું ધર્મ રાજાએ સવારે શું થવાનું છે

    અરે થઈ નારી શલ્યા તે કહો શું વાત છાની છે
    જણાયું તે ન ગૌતમથી સવારે શું થવાનું છે

    સ્વરૂપે મોહિની દેખી સહુ જન દોડતાં ભાસે
    ભૂલ્યા યોગી થઈ ભોળા સવારે શું થવાનું છે

    હજારો હાય નાખે છે હજારો મોજમાં મશગૂલ
    હજારો શોચમાં છે કે અમારું શું થવાનું છે

    થવાનું તે થવા દેજે બાલ મનમસ્ત થઈ રહેજે
    ન જાણ્યું જાનકીનાથે સવારે શું થવાનુ છે

    ટિપ્પણી by pragnaju | નવેમ્બર 17, 2008

  2. GAZAL IS ABOUT SANATAN SATYA

    BUT COMMENT 1 IS VERY GOOD TOO

    ટિપ્પણી by REKHASDEDHIA | નવેમ્બર 18, 2008


Thank you for visiting" ફૂલવાડી" Thank you for your comments.

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s