સુંદર ગઝલના શે’ર
માર્ચ ૧૦,૨૦૦૭ માં યોજાયેલ ..દિનેશ દેસાઈ કૃત બે પુસ્તકોનું વિમોચન્ સુગમ સંગીત અને કવિ સંમેલન, જેમાં નામી અને નવોદિત સર્જકો મન મૂકી વરસ્યા હતા. તેમાના થોડા શે’ર અહીં આપની સમક્ષ રજૂ કરુંછુ..
ભરબપોરે જો ઢળેલી રાત છે
એક સૂરજ ડૂબવાની વાત છે.. છાયા ત્રિવેદી
એકાદ સ્વપ્ન આંખને અડકી ગયા પછી પણ
હું જીવતો રહ્યો છું સળગી ગયા પછી પણ.. ચંદ્રેશ મકવાણા
કશું તૂટવાના સમાચાર આંસુ
અમારા જીવનનું છે અખબાર આંસુ…ભાવેશ ભટ્ટ્
આંખોને બંધ કરી સહજ સહજ સાધજે,
તું ટેરવાની ભાષાના કાકૂ,
ઉરવલ્લી હાડ નીચે સરકીને પામજે તું
ઝળહળતું કૂંડલીનું નાકું.. ઈલિયાસ શેખ
તું વિતે છે એ બધાને છે ખબર,
આમ તું ઘડિયાળ ટક ટક ન કર.. અંકિત ત્રિવેદી
ઈશ્વરથી પણ મોટો હો તો કહી દે તું,
શરૂ આજથી તને સલામો ભરવાનું.. હરદ્વાર ગોસ્વામી
છે નદીની વાત , પાણી જોઈ એ,
સરહદોને પણ રવાની જોઈ એ.. દિનેશ દેસાઈ
અને રાહ જોતો રહ્યો કે
કયારે છેલ્લો પતંગ પતંગયું થઈ પાછો ફરે..રાજેન્દ્ર પટેલ
સૂર્યનું આશ્રિત અજવાળું રહેશે પણ
ગર્ભમાં અંધાર છે , અંધાર રે’વાનો..દિનેશ ડોંગરે
વિખૂટા થઈ ગયાં તો શું પરાયા થઈ નથી શકતા,
તમે મારા હતા મારાજ છે મારા જ રે’વાના.. ગુલામ અબ્બાસ
ગઝલ લખવી એટલે પાણીની ઢગલી કરવા જેવી વાત છે,
શબદના હાથ પગ બાંધી કાગળ પર તરવા જેવી વાત છે..ધૂની માંડલિયા
ગોકુળમાં કો’ક વાર આવો તો કહાન હવે
રાધાને મુખના બતાવશો
ગાયોનું ધણ લઈને ગોવર્ધન જાઓ ભલે
જનુનાને કાંઠે ના આવશો.. માધવ રામાનુજ
આ દર્દ મૌનમાં જ છવાતું ભલે,
મેં તો કહ્યું હતું મને, ને સાંભળ્યું તમે….રઘુવીર ચૌધરી
પરિચય અને સ્વાગત
વિશ્વદીપ બારડ
“આવો, આવો તો મારી આંખો ઠરે,
ને નહિ આવો તો મુખ નહિ મોડું”
“મને વાંધો નથી વ્હાલા હૃદયમાં ઘર કરી બેસો,
તમારો દેશ છે આખો ભલે ને સર કરી બેસો.”
જન્મભુમિ અને ઊછેરઃ ભાવનગર
પ્રથમ આપ સૌ નું ભાવભીનું સ્વાગત છે. આપ સૌ ની પ્રેરણા મારા માટે ઘણીજ મહત્વની છે.આપ સૌ નો અભિપ્રાય અને સુચન ” ફૂલવાડી ” ને સિંચન કરવા સમાન છે.
કવિતા સાથે લાગણીશીલ હૈયાનો પરિચય , નિકટતા શિશુવયથી છે એ કહું તો અતિશયોક્તિ નહી થાય. “મંગળ મંદીર ખોલો “, “આભમાં ઊગેલ ચાંદલો”, અને “આ પસ્તાવો વિપુલ ઝરણું “જેવા પ્રિય કાવ્યો મન,તન અને હૈયા ને હરી લેતા.
આજ ભાવના ના બીજ ૧૯૬૭માં, કોલેજકાળ દરમ્યાન “અદયભીંત્” કોઈ બિચારી,(“સ્ત્રી” મેગેઝીનમાં)અને કહેશો નહી, હસતો રહ્યો, કાવ્યનો પ્રવાહ શરૂ થયો.
૧૯૭૫માં ફેમીલી સાથે અમેરિકા આવ્યો. નવો દેશ તેમજ સ્થાયી થવાની ચિંતા. બાળકો ના આભ્યાસ, આ બધી કૌટુંબિક જવાબદારીની વણઝાર માં કાવ્ય-સુંદરી થી આળગો થઈ ગયો.૧૯૭૯માં હ્યુસ્ટ્નમાં આવી સ્થાઈ થયો , હ્યુસ્ટ્નમાં ચાલતી ગુજરાતી સાહિત્ય સરિતાએ આવેગ આપ્યો. ” કાવ્ય-સુંદરીની સાથે સાથે ” મારો પ્રથમ સંગ્રહ ગઝલ સમ્રાટ શ્રી આદિલ મનસૂરીને હસ્તે પ્રગટ થયો(૨૦૦૨). પરદેશમાં આપણી માતૃભાષા ગુજરાતી ધીરે ધીરે ભુલાતી જાય છે. આપણાં બાળકો ગુજરાતી બોલી શકે છે, પણ લખી કે વાંચી શકતા નથી તો પછી આપણાં બાળકોની પેઢીમાં આપણી માતૃભાષા તદ્દન ન બોલાય એવું પણ બને ! ચાલો આપણે સયુંકત પ્રયાસ કરીએ અને પરદેશમા એક પ્રકટતા દીપ ને તેલ ની ધાર સતત આપ્યા કરીએ.આશા રાખીએ કે આપણી માતૃભાષા પરદેશમાં પણ અમર રહે.
CLUSTSMAP
તાજેતરની ટિપ્પણીઓ
Dr Induben Shah પર આખરી ચીસ !! sepmkauoy પર ફેંકીએ-ભગવતીકુમાર શર્મા વિશ્વદીપ બારડ પર શક્ય છે. નીરજ મહેતા પર શક્ય છે. વિશ્વદીપ બારડ પર એક ગઝલ- પારુલ મહેતા રામદત્ત પર એક ગઝલ- પારુલ મહેતા Raksha Patel પર આખરી ચીસ !! SARYU PARIKH પર આખરી ચીસ !! dolatvala પર આખરી ચીસ !! mayuri25 પર “જિંદગીને જીવતા શીખીએ… Ashok Thakor પર જે વિચારો તે સુ-વિચારજો..… હરીશ દવે પર વહાલનું વાવેતર! Haresh Maheshwari પર ગર્ભિત રહસ્ય…! dhufari પર તમે આવ્યા તો ખરા !… dhufari પર તારી બારી એ થી geo counter
"ફૂલવાડી" 