"ફૂલવાડી"

શબ્દગંગાની હૃદય-ઉર્મિ એટલે ફૂલવાડી

એક ગઝલ-દેવદાસ શાહ ‘અમીર’

hight_statuya_0011.jpg 

 એ અલ્પ  માંગ  હો   કે  અતિ   હોય  તોય શું ?
એ ભીખ  છે છૂપી  કે    છતી  હોય   તોય  શું?

ફરવાનું   ગોળ  ભાગ્યમાં   જેનાં   લખ્યું   હશે,
તકદીરની    ગાડીને   ગતિ    હોય    તોય  શું ?

દુર્યોધનો   જો  જાંઘને    ખુલ્લી   કરી     શકે ,
તો   દ્રોપદીને   પાંચ  પતિ  હોય    તોય  શું ?

  ઉધ્ધાર  કરવા    રામને    વનમાં     જવું  પડે,
અહલ્યા  સમી  જો કોઈ  સતી   હોય  તોય  શું ?

તમને   તો  છે  ખબર કોઈ   કયારે થશે  ચલિત,
હે વિશ્વામિત્ર !  કોઈ  જતિ   હોય    તોય  શું ?

ઓ  કામદેવ! આ   આંખ તું    ખોલી   શકે નહીં,
શંકરની   સામે  લાખ   રતિ   હોય     તોય  શું ?

જે   સંકુચિત ધોરણ  છે તે   રહેશે અહીં ‘ અમીર”!
તારી   ભલે   વિશાળ   મતિ   હોય  તોય   શું ?

-દેવદાસ શાહ ‘અમીર’ – (૧૫-૧૧-૧૯૩૭)પરંપરાના શાયર.
 મુશાયરામાં ભાગ લે છે અને સંચાલન પણ કરે છે.

 

મે 9, 2007 Posted by | ગમતી ગઝલ | 7 ટિપ્પણીઓ

એક કવિતા- આર-એસ.દૂધરેજિયા

 image0011.gif

  હું રોજ તારા પ્રેમપત્રો
  સળગાવવા માટે
  બાકસ ખોલું  છું.
   પણ
દરેક વખતે  તેમાંથી
પતંગિયું નિકળે છે
  અને હું
પત્રો સળગાવવાનું માંડી વાળું છું..

મે 9, 2007 Posted by | મને ગમતી કવિતા | 2 ટિપ્પણીઓ

   

%d bloggers like this: