"ફૂલવાડી"

શબ્દગંગાની હૃદય-ઉર્મિ એટલે ફૂલવાડી

મુંબઈ ના દરિયાની માછલીનું ગીત

 

મુંબઈથી મોટો છે મૂબઈનો દરિયો
      ને દરિયાના પેટમાં ખૂંચે છે માછલી;

જાણે  ના કોઈ વાત મુંબઈમા આટલી;
      કે દરિયાના પેટમાં ખૂંચે છે માછલી.

ખરતી જાય રેત ને ફૂંકાતા વાયરે
                   આવે રોજ મોજાં વસમાં,
છતાં એ પરપોટા પહેરીને ફરતી ને
                 આપો તોય પહેરેના ચશ્માં;
શ્રીફળના નામે લઈ ભમે એ  કાછલી
          ને દરિયાના પેટમાં ખૂંચે છે માછલી;
જાણે ના કોઈ વાત મુંબઈમાં આટલી;
     કે શ્રીફળના નામે છે ખાલીખમ કાછલી.

કોડી કે છીપલાંથી ખાડો એ પૂરે ને
            મોતી   થઈ    નીકતી   મ્હાલવા;
ખડક પર ખડકને ખડકતી જાય ને
            મથે    રોજ   આકાશને   ઝાલવા;
ને થાકી ને જંપે છે   સ્હેજ રાત પાછલી
          જાણે ના કોઈ વાત મુંબઈ માં આટલી
કે મુંબઈથી મોટો એ મુંબઈનો દરિયો
         ને દરિયાના પેટમાં   ખૂચે છે માછલી.
 
-જીવણ ઠાકોર (“આગળાંનાં આંસુ”કાવ્યસંગ્રહ)

Advertisements

માર્ચ 30, 2007 - Posted by | ગીત

8 ટિપ્પણીઓ »

  1. દરિયાના પેટમાં ખૂંચે છે માછલી…
    Vaah… liked it very much!!

    ટિપ્પણી by ઊર્મિસાગર | માર્ચ 30, 2007

  2. મુંબઇ થી મોટો છે મુંબઇ નો દરિયો.
    સરસ રચના.

    ટિપ્પણી by nilam doshi | માર્ચ 30, 2007

  3. મુંબઇથી મોટો છે મુંબઇનો દરિયો….ખરેખર સરસ છે.

    ટિપ્પણી by Rekha | માર્ચ 30, 2007

  4. Mumbai ni Machhali–Very good selection–Thank you
    Harnish Jani

    ટિપ્પણી by Harnish Jani | માર્ચ 30, 2007

  5. મુંબઇની માછલીનાં ભાગે શું આવે? અંદર રહે તો ગટરનો કચરો ખાવાનો આવે અને બહાર આવે તો ઘાટીઓ તેને ખાઇ જાય!

    ટિપ્પણી by Kartik Mistry | માર્ચ 31, 2007

  6. મુંબઈ હિંદની અલબેલી નગરી
    દરિયો ની પ્રતિભા તેમાં આગવી
    દરિયામાં ખૂચે વિધવિધ માછલી
    ચણા મમરા આપો સુલઝે પહેલી

    ટિપ્પણી by pravina Kadakia | માર્ચ 31, 2007

  7. મને એમ લાગે છે કે, માછલી અહીં પ્રતીક છે -મુંબઇના કે કોઇ પણ શહેરી માણસ માટેનું ! આ નજરમાં રાખીને વાંચીએ તો કવિ શું કહેવા માંગે છે તે તરત જ છતું થાય છે.

    ટિપ્પણી by સુરેશ જાની | માર્ચ 31, 2007

  8. આ મુંબઈનાં સાગરમાં કાશ્મીરી દાલ લેક શું કરે છે??????

    મુંબઈનો દરિયો બધું જ પેટમાં સમાવે છે.

    ટિપ્પણી by shivshiva | માર્ચ 31, 2007


Thank you for visiting" ફૂલવાડી" Thank you for your comments.

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s