*બિપીન ગોહિલ
આ સમયે સાથે હવે કંઈ સ્નેહ બંધાતો નથી
દોસ્તીનો દોર તૂટ્યો કેમે સંધાતો નથી ?
એકલો અટવાઉં છું અકળાઉં છું હું ઘર મહી
કોઈનો એકાદ સાચો શબ્દ કહેવાતો નથી.
ચાંદની ગઈ આછરી ને સૂર્ય પણ ઝાંખો થયો
તાપ ભીતરનો પરંતુ શીત કાં થાતો નથી?
જિંદગી જાણે બરફના દેશમાં ભૂલી પડી
ક્યાંક થોડી હૂંફ કે આધાર દેખાતો નથી.
હું ગઝલને એટલા ખાતર રહું છું છેડતો
કે ન તમને થાય એવું કે હવે ગાતો નથી.
2 Comments »
Leave a comment
પરિચય અને સ્વાગત
વિશ્વદીપ બારડ
“આવો, આવો તો મારી આંખો ઠરે,
ને નહિ આવો તો મુખ નહિ મોડું”
જન્મભુમિ અને ઊછેરઃ ભાવનગર
પ્રથમ આપ સૌ નું ભાવભીનું સ્વાગત છે. આપ સૌ ની પ્રેરણા મારા માટે ઘણીજ મહત્વની છે.આપ સૌ નો અભિપ્રાય અને સુચન ” ફૂલવાડી ” ને સિંચન કરવા સમાન છે.
કવિતા સાથે લાગણીશીલ હૈયાનો પરિચય , નિકટતા શિશુવયથી છે એ કહું તો અતિશયોક્તિ નહી થાય. “મંગળ મંદીર ખોલો “, “આભમાં ઊગેલ ચાંદલો”, અને “આ પસ્તાવો વિપુલ ઝરણું “જેવા પ્રિય કાવ્યો મન,તન અને હૈયા ને હરી લેતા.
આજ ભાવના ના બીજ ૧૯૬૭માં, કોલેજકાળ દરમ્યાન “અદયભીંત્” કોઈ બિચારી,(”સ્ત્રી” મેગેઝીનમાં)અને કહેશો નહી, હસતો રહ્યો, કાવ્યનો પ્રવાહ શરૂ થયો.
૧૯૭૫માં ફેમીલી સાથે અમેરિકા આવ્યો. નવો દેશ તેમજ સ્થાયી થવાની ચિંતા. બાળકો ના આભ્યાસ, આ બધી કૌટુંબિક જવાબદારીની વણઝાર માં કાવ્ય-સુંદરી થી આળગો થઈ ગયો.૧૯૭૯માં હ્યુસ્ટ્નમાં આવી સ્થાઈ થયો , હ્યુસ્ટ્નમાં ચાલતી ગુજરાતી સાહિત્ય સરિતાએ આવેગ આપ્યો. ” કાવ્ય-સુંદરીની સાથે સાથે ” મારો પ્રથમ સંગ્રહ ગઝલ સમ્રાટ શ્રી આદિલ મનસૂરીને હસ્તે પ્રગટ થયો(૨૦૦૨). પરદેશમાં આપણી માતૃભાષા ગુજરાતી ધીરે ધીરે ભુલાતી જાય છે. આપણાં બાળકો ગુજરાતી બોલી શકે છે, પણ લખી કે વાંચી શકતા નથી તો પછી આપણાં બાળકોની પેઢીમાં આપણી માતૃભાષા તદ્દન ન બોલાય એવું પણ બને ! ચાલો આપણે સયુંકત પ્રયાસ કરીએ અને પરદેશમા એક પ્રકટતા દીપ ને તેલ ની ધાર સતત આપ્યા કરીએ.આશા રાખીએ કે આપણી માતૃભાષા પરદેશમાં પણ અમર રહે.
-
- var sc_project=2696512; var sc_invisible=0; var sc_partition=26; var sc_security="5641c9a4";
View My Stats -
હું ગઝલને એટલા ખાતર રહું છું છેડતો
કે ન તમને થાય એવું કે હવે ગાતો નથી.
- સુંદર શેર…. હજી વધુ સુંદર થઈ શક્યો હોત જોકે….
Comment by વિવેક ટેલર | February 12, 2008
જિંદગી જાણે બરફના દેશમાં ભૂલી પડી
ક્યાંક થોડી હૂંફ કે આધાર દેખાતો નથી
wah wah khub j gamiu
Comment by neeta | February 16, 2008