ચુટેલા સુંદર શે’ર

 

શ્વાસ  ઉછીના  તમે  આપો-ઘડીભર પહેરવા છે,
માગવા  આવી ચડ્યું’તું  કોણ એ મારી  દુકાને?
              *
પોળે   ઊભેલા   છોકરા  સીટી  વગાડે  રાતભર,
માથા   ફરેલી   ન્યાતને   રોકો  નહી ટોકો નહીં.
                                *
દ્વારકાના નાથ   તે  મહેલો  તજી દીધા  નકામા,
યાદ ત્યારે  કોણ   કરશે , શ્યામ તારી દ્વારકાને?
                                *
શાપિત  થયેલી  એ નદી ગંગા  બનેલી  નીકળે,
ને   કાળના  પેટાળમાં  સીતા   રહેલી    નીકળે.
                                 *
પ્રેમ કાગળ  જેમ  વાંચી છે તને  વરસો સુધી તો,
સાફ  ચ્હેરા પર બધુંયે  તરવરે છે , છળ કરે  છે?
                                *
બે   હાથમાં  મૂકી  ગયાં  છે  એ હથેળી  જયારથી,
જણે  લખેલો  એમનો  કાગળ  હશે  કે છળ હશે?..

-કવિ દિનેશ દેસાઈ(‘પ્રેમ ઝરૂખો”-૨૦૦૬)