કોની આ પ્રિયતમા ?
અંતરે આભલા ટમ ટમે ,
પ્રીત-પ્યારું ગીત ગાતી,
દૂર દૂર અણજાણી ભોમ પર
જાય છે ઉતાવળી ,
કોની આ પ્રિયતમા?
કાળજું કંપાવતી, અધુરા અરમાન એના,
સ્નેહના શપથ આપી ,
પ્રણયવેદની દીપ-રેખા બુઝાવી,
જાય છે ઉતાવળી,
કોની આ પ્રિયતમા ?
આંખમાં મીઠા મધુર સ્વપ્ન સારા,
અકાળે ઉઠાડતી,
ચોધાર આસું મન મહીં છુપાવતી,
જાય છે ઉતાવળી,
કોની આ પ્રિયતમા ?
હ્ર્દયમાં રોષ તોય આંખમાં કાજળ ઘસી,
ઉભય હાથમાં મેંદી ભરી,
સોળે શણગાર સજી, આ સુંદરી,
જાયછે ઉતાવળી,
કોની આ પ્રિયતમા?
(મૌન ભાવે જાગતો પ્રણય, હૈયાને હચમચાવી જાણે છે..એ સ્વપ્ન અધુરા રહી જાય ને..”ગાય દોરે ત્યાં જાય” ત્યારે જાગેલુ આ ગીત..( ૧૯૬૮માં..!!!)
રચેલ..૧૯૬૮
5 Comments »
Leave a comment
પરિચય અને સ્વાગત
વિશ્વદીપ બારડ
“આવો, આવો તો મારી આંખો ઠરે,
ને નહિ આવો તો મુખ નહિ મોડું”
જન્મભુમિ અને ઊછેરઃ ભાવનગર
પ્રથમ આપ સૌ નું ભાવભીનું સ્વાગત છે. આપ સૌ ની પ્રેરણા મારા માટે ઘણીજ મહત્વની છે.આપ સૌ નો અભિપ્રાય અને સુચન ” ફૂલવાડી ” ને સિંચન કરવા સમાન છે.
કવિતા સાથે લાગણીશીલ હૈયાનો પરિચય , નિકટતા શિશુવયથી છે એ કહું તો અતિશયોક્તિ નહી થાય. “મંગળ મંદીર ખોલો “, “આભમાં ઊગેલ ચાંદલો”, અને “આ પસ્તાવો વિપુલ ઝરણું “જેવા પ્રિય કાવ્યો મન,તન અને હૈયા ને હરી લેતા.
આજ ભાવના ના બીજ ૧૯૬૭માં, કોલેજકાળ દરમ્યાન “અદયભીંત્” કોઈ બિચારી,(”સ્ત્રી” મેગેઝીનમાં)અને કહેશો નહી, હસતો રહ્યો, કાવ્યનો પ્રવાહ શરૂ થયો.
૧૯૭૫માં ફેમીલી સાથે અમેરિકા આવ્યો. નવો દેશ તેમજ સ્થાયી થવાની ચિંતા. બાળકો ના આભ્યાસ, આ બધી કૌટુંબિક જવાબદારીની વણઝાર માં કાવ્ય-સુંદરી થી આળગો થઈ ગયો.૧૯૭૯માં હ્યુસ્ટ્નમાં આવી સ્થાઈ થયો , હ્યુસ્ટ્નમાં ચાલતી ગુજરાતી સાહિત્ય સરિતાએ આવેગ આપ્યો. ” કાવ્ય-સુંદરીની સાથે સાથે ” મારો પ્રથમ સંગ્રહ ગઝલ સમ્રાટ શ્રી આદિલ મનસૂરીને હસ્તે પ્રગટ થયો(૨૦૦૨). પરદેશમાં આપણી માતૃભાષા ગુજરાતી ધીરે ધીરે ભુલાતી જાય છે. આપણાં બાળકો ગુજરાતી બોલી શકે છે, પણ લખી કે વાંચી શકતા નથી તો પછી આપણાં બાળકોની પેઢીમાં આપણી માતૃભાષા તદ્દન ન બોલાય એવું પણ બને ! ચાલો આપણે સયુંકત પ્રયાસ કરીએ અને પરદેશમા એક પ્રકટતા દીપ ને તેલ ની ધાર સતત આપ્યા કરીએ.આશા રાખીએ કે આપણી માતૃભાષા પરદેશમાં પણ અમર રહે.
-
- var sc_project=2696512; var sc_invisible=0; var sc_partition=26; var sc_security="5641c9a4";
View My Stats -
પ્રિતમને સાથ આપનાર પ્રિયતમા ખુબ સુંદર લાગે છે.
Comment by Rekha | March 2, 2007
વાહ સોનેરી ભૂતકાળ તાજો કરી દીધો…. 1967-68 ની મધુરી યાદો …
Comment by Suresh Jani | March 2, 2007
હું કહું ?
રેખાબેન અને વિશ્વદિપભાઈ
બીજું કોણ??????
Comment by Neela Kadakia | March 3, 2007
બીજા કોની વિશ્વદીપની
Comment by pravinash1 | March 5, 2007
(મૌન ભાવે જાગતો પ્રણય, હૈયાને હચમચાવી જાણે છે..એ સ્વપ્ન અધુરા રહી જાય ને..”દિકરીને ગાય દોરે ત્યાં જાય” બે યુવાન હૈયા કદી પાછા મળી શક્યા નથી..ત્યારે જાગેલુ આ ગીત..( ૧૯૬૮માં..!!!)
Comment by vishwadeep | March 5, 2007